Tagesbericht vom 25.7.14 Asterix bei den Schweizern 26.7.2014
De Oberrömer händs vergiftet,
das hätt üs grad zum reime agstiftet.
Es hät gheisse “us dä fäderä“
Und los ischs gangä mitem Schnäderä.
Anggäbrötli und nu meh
Hätts bi üs zum z’Morgä geh.
Gstärcht vom feine Zaubertrangg
Händs en kriegt, de richtig Rangg
Dä Weg vo Gallie i üsäs Land
Isch wit und bütet allerhand
Die acht Gruppe sind ändlich heil acho,
händ sogar es Edelwiss übercho.
Und Wädegehnde (Muskelkater) hätts nöd geh,
me hätt nur s’Ziel vor Auge gseh.
Geh hätts Pastetli zum z’Mittag
Schu schwired d’Chinde alli ab,
s’Areal suber usäbüzzlä,
es blibt üs wenig Zit zum witzlä.
Nachem z’nacht gahts au schu witer,
für die eine zart, die andrä bitter.
Will d’Leitershow staht ufem Programm
Und One Direction verteilt Autogramm.
Wetten dass..?
Mit de Michelle und em Thomas.
Leider isches schu verbi,
das isch die ersti Wuche gsi.
Die einte Chinde gönd schu hei,
es fallt ne sicher schwer wie Blei.
Die andre blibet nu es Wiili,
witer gahts mit Spass und Spili
En Tag organisiere isch sehr sträng, das hämmer gseh,
liebi Grüess vo de Chati und de Fabienne W. Majestix, Gutemine ☺