Montag, 26. Juli

Hüt am halbi nüni hämmer d’Chind us dä Näschter grissä und händ üs nachem z’Morgä fürs Schmugglerspiel parat gmacht. Im naheliegendä Wald hämmer wenig spöter zSchmugglerspiel gstartet. Drü Chreis kämpfet um verschideni wertvolli „Holzbärre“ vo bronze bis zu Platin und äm Joker wo immer heiss begehrt isch. Scho zimli churz nach Beginn häts feini Ravioli geh wo üs für dä rescht vom Tag gstercht händ. Müed und erschöpft simmer am Abig im Areal itroffä. Nachem Znacht hämmer am Totto-Abig mit äm Bi Ba Bu Bu Britt vs. Bi Ba Bu Bu Brini dä pläsche gha. Üsä Ex-Scharleiter Stefan hät dänn vor dä Nachtrueh no äs Bettmümpfäli gsponseret (Wasserglace mit Gumibärli dinä). Aschlüssänd sind diä müede Glängg is Bett bewegt wordä.

Stifi, Thöme, Dave