Freitag, 30. Juli

Mit Pfannädeggel simmer am halbi achti brutal bös us üsnä schöönä träum grissä wordä, gli drufabä häts dänn däfür dä zmorgä geh. Nacher simmer druf und dra gxi, üsi schlafplätz und s’areal zbutzä. Ässsaal, Chuchi, Duschänä und natürli au dWC’s händ müässä glänzä, wenigschtens äs bitzli….
Nach dä feinä Spagetti Carbonara hämmer auschu üsäs Ruggseggli gfüllt mit em Badtüächli und dä Sunnägrem und sind uf Zweisimmä hinnärä gu sFüdli dünggä.
Chli rot im Gxicht hämmer dänn döffä üsäs letschti z’Nachtässä gnüssä, Herdöpfelstogg mit Fleischkääs.
Nacherä chlinnärä Ruhepausä ischs legendäri Abigprogramm gstartät. Mit emnä grossä Lagerfüür und Schnitzelbängg hämmer üsi treuä altä Leiter verabschidät und diä neuä nahgnoh,,,,
Gmüätlich hämmer üs dänah is Huus zruggzogä, wo jedä uf sini Art hät chönnä dä letschti Abig gnüssä, im Lager 2004 z’Boltigen.

Jasmin, Ewelün, Jasmin (H&K)