Sonntag, 18. Juli

Hüt simer am siebni mit cooler Cartoon Musigg gweggt wordä. Aschlüssend häts z’morgä gäh, wills hüt Sunnitg isch hät üsi Chuchi sogar no Orangesaft und Cornflackes uftischet.
Chum hämmer fertig gässä isch’s scho los gange mit em Areal irichtä. Natürlich nach üsem Moto „Meh Trick als Film“!!! Mir händ äs Lagertor baut, Zält ufgstellt, ä Sauna igrichtet, grossi Figurä kreriert, dä Ässsaal dekoriert, d’Schläg mit Männli und Wiibli beschriftet und sust no äs paar glatti Sachä gmacht.
Dä hämmer Riis und Poulet mit Ärbsli und Rüebli gässä. Vor mer no chli Siesta gmacht händ, häts no Scharföteli und Gruppäföteli gäh.
Und am Namittag isch’s witter gängä mit Spiel ohne Grenzen. Die verschiedänä Gruppä händ s’beschte zeigt mit Blachäwurm, Indiaca, Mänschäslalum, Tazelwurm, Wassertransport, Blachäspiggä und sust no chli luschtigä Spieli.
Zum z’Nacht hämer Fleischchäs, Herdöpfel und Broccoli übercho.
Nach em verdauä, händ sich all im Ässsaal versammlet und sind einzeln usegruäfä wordä, für d’Iteilig vom Cluedo. Nach em schminggä isch’s au scho loooooooooos gange. Üsi Dedektive händ versuecht dä SCHWIRIGI MORDFALL z’lösä. Nachdem alles usegfundä wordä isch, hämer dä au scho wieder is Bett müsä.

Mirj, Chrisi, Bärbel, Olä