Dienstag, 20. Juli
D’JTBler sind hüt
am achti vo luter Musig gweggt wordä. Nachher hämer üs gstärkt
mit em z’Morgä. Dä isch es scho bald los gange; d’JTBler
händ sich verkleidet als Seeräuber und Fahne baschtlet. Bi verschiedene
Spieli wiä Ruggby, Armdruggä, Wasserlauf, Schwingä und Güggelikampf
händ sie gägesitig ihri Chraft chöne bewiesä. A schlüssend
händ üsi Seeräuber ihrä Frass mit dä Händ gässä.
Am Namittag sind’s dänn uf d’Schatzsuechi gange, und tatsächlich
hät au ä Gruppä dä Schatz gfundä. Vor em z’Nacht
hämer all zäme no chli Spieli gmacht und dä simer wieder mit
dä Händ go s’Birchermüäsli ässä.
Wo’s langsam dunggel wordä isch, simer in Wald gange. Nachdem än
Totä ä Gruselgschicht verzehlt hät, isch jedes Chind einzeln
dur Geischterbahn gschiggt wordä. Am halbi zwölfi sind die müädä
Seeräuber is Bett.
Hermä, Evi, Olä