Mittwoch, 21. Juli

Jabadabadu, hüt hämmer chönä usschlafä! Am 10ni häts dänn Brunch gäh: Fleisch, Brot, Joghurt, Chäs und Oranschäsaft, nämpfi! Dä Gruppätag hät dänn ab äm 12fi agfangä, alli Leiter/innä händ mit ihrär Gruppä öppis glatts chönä undernäh. Diä Eintä sind go badä, poschtnä oder go Coup ässä und diä Andärä sind eifach bim Huus bliibä und händ detä öppis kreativs agstellt. Am 6si häts dänn Znacht gäh: Reschtä. Aber au das isch würkli mega fein gsi, au wänns für d Leiter/innä nöd immer gad glangät hät. Nucher häts dänn schu gli gheissä: „Lauf Forrest, lauf!“ und d Chind händ alläs gäh, um am Zyt-OL mit versch, Spili wiä Popokatepetel, Seili gumpä oder Krüzworträtsel z gwünnä. Druf abä isch dänn au schu Nachtruäh gsi und alli gschluchätä Chind händ ganz schnell pfusät.

Bärbel, Sushi, Sumo