Freitag, 23. Juli

„Uuuufstoh-Tagwach“, häts hüt für diä rund 50 Chind und 20 Läiter, wo nöd uf di gross Wanderig sind, am 7ni am Morge ghäissä. Nachm z’Morgä ischs mit mä Poschtelauft losgange, wo z’Ziel gsi isch, sini Gruppe so guät wiä möglich z’motiviärä. Die Ufgab händ au all Gruppene super gmäischteret!

Churz vorm Mittag sind dänn üsi „grosse Wanderer“ hungrig zrugg cho und am halbi 12 hämer beräits agfange z’Mittag zässä. Uf de viertel vor 2 Zug hämer üs parat gmacht um uf Gstaad go badä zgo. Läider hät sWätter nöd so ganz mitgspielt und mir händ muässä is Hallebad. Dchind händ aber trotzdem all ihre Schpass gha.

Womer zrugg cho sind häts dänn scho gli z’Nacht geh und um de aschträngend Tag locker usklinge zloh hämer spöter en OL gmacht mit Poschte wie z.B. Massage, Trickfilm erfinde odr Montagsmaler.

Nachdem aaschträngende Tag sind all Chind müäd aber au zfriede is Bett.

By Silvia, Patty & Anschii