Samstag, 24. Juli
Um di achtii hämer
hüt all mit beschter Musig gweckt, so dass all e halb stund spöter
fitt und munter im Essrum erschiene sind. Am 10ni hett auscho s`erschtä
Spiili (Leiterlispiil) agfange und e Stund spöter isch de Siiger festgstande.
All Chind sind dän zrugg in ihri Schläg und henden so usaputzt und
poliart bis alles glänzt hät. Zur Belohnig häts denn en faine
z`Mittag gä und aschlüssend het jedi Klass es Ämtli übercho,
so dass au s`Areal, d`WC, de Essrum etc. sich widr händ chöne gseh
loh.
Im nöchschta Programmpunkt hetts beliabti Hygienitis stattgfunde, leider
hät üs da s`Wetter en Strich dur d`Rechnig gmacht und miar händs
müase abblase. Defür hämmer alles renoviert und uf Vordermann
bracht.
Am halbi Sibnii häts zum z`Nacht faini Hamburger mit Salat ge und wo
all Chind fertig mit Ässe gsi sind hends sich den schön gmacht für
die bevorstehendii Live-Disco mit Special Event. Es sind üs nämmli
Six-Pägg ins Lager go bsuache cho und hend üs a ihra Musig loh tail
ne. Aschlüssend isch denn au grad für all Chind Nachtruah gsii.
Written by Sushi