Sonntag, 25. Juli

Hüt simer am nüni am morge ufgstande wills gester es bitzli länger gange isch.
Am halbi zähni hämer de guet Z’morge gässä und die feine Gipfeli vu Romers Huusbeckerei
gnosse. Im lauf vum Morge sind dänn scho die erste Eltere itrofe und de Bsuechstag hät chöne stattfinde. Am zwölfi häts dänn scho wieder gheisse zmittag ässä. Nach em stressige abwäsche mit hilf vunere freiwillige gruppe die Ältischte hät dänn scho wieder die zweit Staffel d’Eltere chöne ässä. Nach dem isch es uf em Lagerareal usgstorbe gsi. D’Eltere sind mit de Chind öppis go undernäh gsi. Für die restliche Chind häts e speziells Programm geh. Mir händ Fätzli gleit gspielt, Film glueged usw. Am viertel vor Füfi häts dänn gheisse, all uf de Platz und de Pfarrer Wick und de Roy händ mit üs en Churze Gottesdienst abghalte. Am Halbi siebni händ mir e feini Älplermagrone zur stärchig gha. Nach dere stärchig isch dänn no en Stern-OL agseit gsi. Noch dem schöne aber längere OL isch am Halbi zwölfi Ruhe igkehrt i üsem schöne Lagerhuus.

Wespe Ivan, Fischbacher Jasmin