Friitig 25.7.2008

Hüt morgä händ mir dörfä gaaanz lang uspfuusä, mir händ nämli brönschet. Es hät alles gäh: Spiegeleier, Nutella, Jogurt, Orangäsaft, verschideni Fleisch und Käs und no vill meh… Nachem langä z'Morgäässä ischs dänn wiiter gangä mit em ACTIVITI. I dem Spili ischs drum gangä sinä Gruppäkollegä pantomimisch, dur erklährä oder dur zeichnä verschideni Begriff erklährä. Natürli häts au Pöschtä gäh wos nöd ganz so eifach gxi isch, wiä z.B währet em Seili gumpä oder mit em Basketball prellä.. Gad ahschlüssend hämer dänn d'Schar- und Gruppäföteli gmacht und händ dänn en feinä z'Vieri, nämli div. Frücht, Tee, Militärbiscuits und Militärschoggi (vilä Dangg ah üsi 2 Leiter Jöni & Britt wo leider gad im Militär sind), zu üs gnoh. Nacherä ischs wiitergangä mit dä Gangstersuechi. Diä verschidenä Gruppä händ müesä imenä Gebiet versteckti Gangster go suechä und dänn zum Richter bringä wos verurteilt hät. Chum ischs Spili fertig gxi häts au gad z'Nacht gäh, es hät hüt Härdöpfelstock, Vorässä und Erbsli mit Rüebli gäh. Am halbi 9 händ sich dänn Kind wider besammlet zum verschideni Spili z'machä. Beliebti spieli wiä Mörderlis, Mänschäknopf, Fangis und so wiiter sind vu allnä gern gspillt wordä. I derä Ziit händ sich alli Leiter heimlich dävogschlichä und händ sich parat gmacht fürd Geischterbahn. Ahgmalet und baschtlet isch wordä damit d Chind dänn au alli ächli verschrecket.. Sobalds ächli dunggel wordä isch sind d Chind klassäwiis (diä eintä älei, di anderä 2tä) dur d Geischterbahn imnä Wäldli gschiggt wordä. Gad ahschlüssend isch dänn Nachtruäh gxi. Mir dängget das hüt Nacht en huufä Chind froh sind das sie nöd müend älei imenä Zimmer schlafä J

Jasi & Bärbel