Flughafä-Sunntig 20.07.08

Nach de erschtä stränge Nacht simmer am morgä früäh am halbi 8i us üsne schönä härrliche Träum grisse worde. Am 8i hämmer üse erschte zMorge da iignoh. Es hät nämli nämpfifaine Zopf mit Honig oder Confi geh.

Am 9i hämmer scho üses Areal iigrichtet z.B. dLagertürm, Hängämatte, Sauna, Esssaal iirichte, Kaugummiwand, Klagemauer, Wältchuglä, Fahnä usw.

Am halbi 1 hämmer gmämpft und zwar Rahmgschnätzlets mit Nudlä und Gmüäs a la määhson. Aahschlüssend isches den wiiter gange mitem Areal iirichtä. Mir händ dä schönä Sache no dä letscht Schliff verpasst.

Nuchär hämmer die neue Spiili teschtet und zwar gmeinsam und uf luschtigi Art und Wiis.

Zum zNacht häz dän für diä eintä meh und für diä andere weniger guetii Pilzschnitte geh ( nöd verwechslä mit de Milchschnitte vom Migros).

Am spötere Obig hät üsä ÖRF-Cup gstartet, wo dChind mit Fliis und Priis absolviert händ. Währendem Cup hänz originelli, lässigi und fantasivolli Pöschte bsuecht.

Nachem wunderbarä Sunnäundergang sinz i dHeia.

Das wärs wieder xi mit Gix und Gäx. Tschau zämä.

Peace und Blüämli Bärbel, Sumo und Gorina