Mir sind hüt am 8.00Uhr ufgstande und händ üs nachem z Morge parat gmacht für s Leiterlispieli… Det isches drum gange um möglichscht schnell und viel Begriff sueche wo im Lagerareal versteckt gsi sind. Nach jedem gfundänä Begriff händ jewils die Ältischte dörfe würfle und diä Gruppe wo zerscht im Zielfeld acho sind hät gwunne!!!!
Nach feine Chäshörnli und Salat isches drum gange, welli Klass, dass ihre Schlag am süberschte putzt hät. Wo dänn alli fertig gsi sind, au mit em Areal ufrume, hämer nu Hygenitis gspielt. Da häts verschideni Poschte gäh.. z. B. d Haar mit Zuckerwasser wäsche, sich gägäsiitig mit Schlamm massierä und sich mit Fingerfarbe ahmale.. so das alli richtig dräckig wordä sind! Dänn sind alli mitenand go duschä..
Nach em z’Nacht häts no e Leitershow gäh.. Mit Gaschtuftritt z.B. vu dä No Angels, Guns’n’Roses, Bullyparade und em Sandmänndli!
Am 22.30 Uhr isch dänn Nachtrueh gsi und alli Kinde sind friedlich igschlafe.