Am 9i isch hüt Tagwach gsi und für all dia Chind, wos geschter nit ganz gschafft händ ihri Zimmer ufzruuma, häts nach em zMorge bis zum zMittag nochli Ziit geh um en 2. Alauf z starte. Währenddesse sind scho di erschte Eltere und Psuecher acho und sind echli z Huus und s Areal go besichtige. Am 12i häts für dChind und dLeiter feins Curry Riis geh und am 1 denn au für de Psuech.

Am Namittag sind di meischte is Dörf es Glace odr sust no en chline Dessert go esse. Nachdem de Psuech wieder verabschiedet worde isch und leider au es paar Chind s Lager verloh händ, hät de Roy am 5i mit üs es Chrüz baschtlet, gmalet und Ballön stiege loh.

Mit echli Verspötig hämer dänn am viertel ab 7ni zNacht gesse und am 9i ischs mit de Überraschig witer gange...

Wie viel Chind vermuetet händ isch d Überraschtig en Stern-OL gsi, wos richtig viel händ dörfe schpringe. S Prinzip vom Stern-OL isch, dass es en Usgangspunkt git (bi üs z.B. s Lagerhuus) zu dem d Teilnehmer nach jedem erledigte Poschte wieder zrugg cho münd. D Pöschte sind z.B Liegestütz, Rumpfbügene odr eifach mal en Verpflägigsposchte gsi.

Nach dem aschträngende OL sind (die meischte) Chind müed i ihri Bettli ghüpft und schnell iigschlafe.

Written by Silv, Patty, Anschii