Am halbi achti sind Piratä us dä Fädärä grissä wordä. Nachem zmorgä händ sich d’Chind chönnä iischribä für verschideni Aktivitätä, wiä z.B. s’Lagertooor, JTB-Fahnä, Zältstadt, Böög und nu meh Sachä.

Nach em malä und bastlä häts dänn än feinä Piratä-zmittag geh (Riis, Poulet und Broccoli) Das hämmer natürli mit dä Händ gässä. Gruppäföteli und Schaarföteli sind ahschlüssend entstandä.

Wiiter ischs nacher gangä mit beändä vum Areal iirichtä.

Nacherä chlinä Wasserschlacht händs fürs Abigprogramm chönnä mit Piratäfragä im eins, zwei uder drei-Spiili dä Punktestand verbessärä.

Feinä heissä Fleischchäs mit Herdöpfel-Würfeli händ d’Piratä dänn au nu chönnä mit dä Händ bezwingä.

Zum diä grossä Büch chönnä abbauä isch dä Ziit-OL gnau richtig gxi. Dettä händ sich d’Chind vu Postä zu Postä i ächti Piratä mit Augächlappä und emnä Holzarm verwändlät.

Glücklich sinds gxi, wos händ döffä i ihri Kajüttä säglä und vu Schatz und grossä Schiff träumä.

By Piratäbrüüt; Hermä, Angi, Ewi und Jasi