Donnerstag, 24. Juli 2003

Hüt morge simer chli später ufgstande, als sust. Nach em z’Morge händ d’Manne und d’Fraue sich trännt. Bi dä Fraue hät’s en gmüetliche Morge gäh. Sie händ sich verwöhne lah, vo Chopf bis Fuss mit Pedicure, Massage, neue Frisuren und mit emene feeeeeeeeeeeeiiiiiiiiiiiinä Dessert. Am Namittag hämer d’Klasse ufteilt und händ Spieli gmacht (Schoggispiel, Wörterspiel usw.) und mit dä Älterä hämer nochli über s’JTB gschwätzt. D’Jungs händ sich mit Wurst und Brot uf dä Wäg nach Interlacke is Hallebad gmacht. Sie händ sich dä ganz Namittag det beschäftigt und sind dä pünktlich zum z’Nacht wieder uf em Areal gsi. Aschlüssend hämer dä ä uuuuuuuuuu leckers Birchemüesli gha. Nach dem hämer dä d’Chind nochli uneränand ällei loh, bis es dä witer gange isch mit emene Spiel (Activity), wo’s a ihrere Gruppe mit Zeichne, Pantomimik und Erklärä Pünkt gsammlet händ. D’Sieger händ dä schliessli ä chlini Belohnig übercho. Und dä isch’s ab is Bett….

Mirj, Evi, Eli, Olä