Tag 4 - Nidwalden
Grossi Wanderig
Am Morge am 6ii simmer vumene Telefon vo eim vode bekanntiste und erfolgrichste Sportler gweckt worde. De Marco Odi Odermatt het en Albtraum gha, er gfindet kei Piste me zum siis grosse weltmeisterliche Talent z trainiere. Us dem Grund het er es Grüppli gfraget, ob sie sich ufd Suechi nach neue Trainingspiste chöntet mache.
So isch euses Abentür dänn losgange. Pünktlich am 7nii nach de erste wichtige und richtige Stärchig, het sich die Truppe ufgmacht i die höche Berge obem 977 m.ü.M. glegene Dorf Elm. Gäg die halbi 12ii und 1154 Höhemeter spöter sinds bim Gelb Chopf uf 2131 m.ü.M. fündig worde. Uf de Erfolg abe hend sie sich denn bim nöchglägene Chüebodesee bi leider näbligem Wetter die gross Stärchig am Mittag gönnt. Nachem Mittag isch es denn uf die lang und herusefordernd Abfahrt zrugg richtig Tal gange. Uf teilwiis steile und au nasse Piste hend sie ihres Könne under Bewiis gstellt. Wos denn geg die viertel ab 5ii gange isch, sinds im Tal acho und hend ihri Erkenntnis vude hütige Erkundigstour am Odi wiitergleitet.
Als Dank vu ihm hetts nacheme feine chüehle Glace au no en sehr stärchende Znacht bi warmem Lagerfüür gä. Nach knapp 18 Kilometer hend den sie ihres Endziel vude Tour erreicht. Sicher bizzeli erschöpft und müed nachdem strenge Tag, sinds denn am 10ni i die wohlverdient Nachtrueh gange.
Merci für de toll Isatz uf de letschde JTB Wanderig vu euerne Tourefüehrer
Andy und Simi
Am Morge am 6ii simmer vumene Telefon vo eim vode bekanntiste und erfolgrichste Sportler gweckt worde. De Marco Odi Odermatt het en Albtraum gha, er gfindet kei Piste me zum siis grosse weltmeisterliche Talent z trainiere. Us dem Grund het er es Grüppli gfraget, ob sie sich ufd Suechi nach neue Trainingspiste chöntet mache.
So isch euses Abentür dänn losgange. Pünktlich am 7nii nach de erste wichtige und richtige Stärchig, het sich die Truppe ufgmacht i die höche Berge obem 977 m.ü.M. glegene Dorf Elm. Gäg die halbi 12ii und 1154 Höhemeter spöter sinds bim Gelb Chopf uf 2131 m.ü.M. fündig worde. Uf de Erfolg abe hend sie sich denn bim nöchglägene Chüebodesee bi leider näbligem Wetter die gross Stärchig am Mittag gönnt. Nachem Mittag isch es denn uf die lang und herusefordernd Abfahrt zrugg richtig Tal gange. Uf teilwiis steile und au nasse Piste hend sie ihres Könne under Bewiis gstellt. Wos denn geg die viertel ab 5ii gange isch, sinds im Tal acho und hend ihri Erkenntnis vude hütige Erkundigstour am Odi wiitergleitet.
Als Dank vu ihm hetts nacheme feine chüehle Glace au no en sehr stärchende Znacht bi warmem Lagerfüür gä. Nach knapp 18 Kilometer hend den sie ihres Endziel vude Tour erreicht. Sicher bizzeli erschöpft und müed nachdem strenge Tag, sinds denn am 10ni i die wohlverdient Nachtrueh gange.
Merci für de toll Isatz uf de letschde JTB Wanderig vu euerne Tourefüehrer
Andy und Simi
