Tag 13 - Luzern

Hüt Morge sind alli Chind fu zwei absolute Hecht-Fans gweckt worde. Am Obig stoht nämlich es Hecht-Konzert ah! Nachem Zmorge hemer en Postelauf absolviert, wo alli Chind wichtigi Facts über d’Band Hecht und de Kanton Luzern glernt hend. Doch den plötzlich chunt e schlimmi Nachricht fu de Managerin fu Hecht. Am Frontsänger sis Mikrofon isch klaut worde. Nachem Mittag machet sich somit d’Chind ufd Sueche nachem Dieb wo s’Mikrofon klaut het. Leider hends es den aber nöd gfunde und sind trurig is Lagerhus zrugg cho. Den hets doch na klappet! De Dieb mitem Mikrofon isch eifach übers Lagerareal gloffe wo d’Chind ihn den erfolgrich gfange hend. Managerin het üs den zum Znacht ihglade und es het am Konzert nüt meh im Weg chöne stoh! Doch denn chunt di nöchsti schlimmi Nachricht nachem Znacht. D‘Managerin het es Telefon becho und üs mitteilt, dass de Mischer und sin Praktikant verschwunde sind. Somit chan s‘Konzert doch wider nöd stattfinde. S‘Ganz JTB het nachem Znacht somit d‘Suechi nachem Mischer und sim Praktikan ufgnah. Mir hend den zum Glück mit viel Wüsse fum Morge die zwei chöne gfinde. Als Danke defür het d‘Band es live Konzert nur fürs JTB gspielt!
Nach dem ufregende Tag sind alli JTBler müed is Bett gheit.