Mir stellet üüs vor
Salü zäme, ich bin de Dennis und wohne sit 15 Jahr fascht vis à vie vom Banhof. Ab em Summer gfind mer mich ide Chuchi vom Schützehus z‘Uzne. Ich ga gärn mit mine Kollege ad Linth oder sust ächli mitem Töffli go umezieh. Im JTB isches immer luschig und mir erläbt cooli Sache. Ade merci
Ich bi d Madlaina, bin 14ii und wohne z Bänngä i de Haldestrass. Ich gang z Wattwil ad Kanti und min Schwerpunkt isch Italienisch. I minäre Friiziit dunnich näbst em JTB gärn läse und zeichne. Ich spilä Klarinett ide Bürgermusig Bänggä und gang (wänn Corona gad mal nöd allne Lüt de Usgang verbütet) go babysitte.
Hoi zäme ich bin de Niculin 15i, und im JTB scho siit chlii, zum Nachname Steiner, hoffentlich fallt s‘Lager das Jahr nöd in Eimer! öb Tschuute im Fc z’Uznäoder s‘Drumere i de BMB, beides macht mer Spass, wie au s‘Lager, sit de 4. Klass. Und im Summer starti ä Informatik Lehr, und zwar i Fachrichtig Applikationsentwickle(h)r.