Tag 1
Ye! Hüt isch dä ersti Tag vo üsem coole Lager gsii. Aber leider isch am Bahnhof Benke üse Dedektivkolleg vor üsne Auge entfüehrt worde! Ou nei, mir mönd ihm helfe! Darum gahts dä Spure nache uf Schwellbrunn. Nachdem mer z Herisau händ chöne uf dä Bus wechsle, hät er üs ufemne rieesige Lagerareal usglade. Bevor mer aber s Areal richtig ahglueged händ, hämmer e komischi Charte vom Entfüehrer gfunde. Natürlich hämmer dene Spure sofort mösse folge und händ üs gad nochli chöne mitem Dorf bekannt mache. Zum Schluss häts no lustigi Spieli ide Turnhalle gäh. Üse ersti Znacht isch mega fein gsii. Ahschlüssend hämmer wie all Jahr d Lagerregle besproche und sie mit üsem Fingerabdruck unterzeichned! Denn simmer müed aber zfriede is Bett gläge!
