Tag 6
Am Morgä platzt TKKG ine Lösegeld-Übergab. Es chlises Meitli isch entfüehrt wordä und d’Elterä dämit
erpresst. Dä Verdächtigi chan abhaue, aber s JTB isch ihm natürlich scho uf dä Fersä! Sie fröget
verschiedensti Passante nachem Flüchtigä und chönd ihn so schlussendlich fangä. Nachem Verhör stellt d
Polizei jedoch fest, dass mer de falschi Täter gfangä händ.
Bineme Detektivkurs lernt s JTB verschiedensti
Technike känne, um d Spur nachem Entfüehrer wieder ufznäh. Öb Phantomzeichnige, Gheimschriftä, PH-Wert
ermittle oder Fingerabdrück näh – mir sind ez absoluti Detektiv-Profis! Am Abig setzet mir s Glerntä id
Tat um und versuechet de Fall z löse. Bineme abwächsligsriiche Rollespiel chömet mir am Täter und sim
Komplize schliesslich ufd Schlich und chönd s chlinä Meitli befreie. Juhee! Fall 821 ad Acta legä!
