"Hey Anna, freusch dich au scho, dass üsi Familie endlich zu eim Stamm vereint werdet? " So
hät hüt morgä üse Tag agfange. Mir hend üs uf de tolli Tag gfreut, aber denn sind üs scho
die erste Schwirigkeite ufgfalle. Mir hend üs schnell mössä stärche zum den mit de Hilf vo
üsem Präses, em Franz, über üsi Gfühl und Gedanke hend chöne rede, sodass alli Spannige im
Stamm usem Weg sind und mir mitem Lebe als Indianerstamm afange chönd.
Nachem zMittag hend mir den üses Indianerdorf mössä erkunde. Mir hend miteme riese
Leiterlispiel alli Versteck vo üsem Areal entdeckt. Will das scho zimmli sträng gsi isch,
hemmer eus en chline Zwipf gönnt.
Doch was wer en richtige Indianerstamm ohni en Häuptling? Also hend mir mit Hilf vo de
Stammesälteste die verschiedene Familie imne Wettkampf vo 10 Spiel gegenand atrete lah. Zum
Schluss hemmer den euse neue Hauptling chönnä bestimme: z Familieoberhaupt vo de Abornazine,
de Andy!! Ihm isches den erlaubt gsi, no einigi vo sine Verwandte zuesätzlich in Stamm
z bringe. Das het er denn gmacht, die sind am Namitag agreist und bim Znacht hend mir die
den vorgstellt.
De Abig hend mir welle gmüetlich usklinge lah, doch leider isch üs öppis dezwüsched cho.
Zwei Familieoberhaupt, wo iversüchtig sind, dass sie nöd Häuptling worde sind, hend es
Stammmitglied entfüehrt. Als Team hemmers den während em Cluedo gschafft, sie ufzspüre und
an Marderpfahl fessle. Das isch en mega lange und strenge Tag gsi und drum simmer sofort id
Federe ghüpft.
Mir hoffet das alli die, wo hüt Mittag hei sind, guet in Bänggä ahcho sind und wünsched no
schöni Ferie