Tag 8 - Graubünden
Nach em Ufwachä im Kanton Graubündä händ mir en feinä Brunch gnossä. Dänn sind mir vonere Iiheimischä gfraget wordä, öb mir ihrä hälfä chönd, d’Chalandermarz z’vorbereitä.Bi mä Upcycling Block isch das di perfekti Glägeheit gsi, Dekorationä für s’Fest z‘bastelä. Au dä Schellenursli hät d’Hilf vo dä Chind brucht. Er isch verletzt und hät no kei Gloggä für dä Umzug, drum hend d‘Chind ihm ghulfä. Für das isch äs in Wald gangä. D‘TN‘s händ dän verschideni Poschtä absolvierä müssä, weli sie immer es bizeli nöcher a di gross Gloggä bracht hät. Nachdem d‘TN‘s vollä Iisatz geleischtet hend, hend sie schlussändlich d‘Gloggä gfundä und es isch zrugg is Lagerhuus gangä. Döt isch alles blitz und blank putzt wordä, dass mir suber i di zweiti Lagerwuchä startä chönd.
Vor em Znacht hend mir am Schellenursli Glogge übergeh und zemme Chalandermarz gfiiret. Nachere feine Gerschtersuppe hend mir üs en gmüetliche Fernsehabig gmacht. I I dä Tagesschau sind ganz viel „leiterähnlichi“ Personen ufträte. Sie händ üs zeigt was so in und um Elm ume passiert.
Nacheme lange und volle Tag sind Chind am Schluss müed is Bett.
Vor em Znacht hend mir am Schellenursli Glogge übergeh und zemme Chalandermarz gfiiret. Nachere feine Gerschtersuppe hend mir üs en gmüetliche Fernsehabig gmacht. I I dä Tagesschau sind ganz viel „leiterähnlichi“ Personen ufträte. Sie händ üs zeigt was so in und um Elm ume passiert.
Nacheme lange und volle Tag sind Chind am Schluss müed is Bett.
