Tag 9 - Bern
Auäää - Grüessech im Kanton Bärn! Hüt simmer voller Vorfreud uf dä Bsuech ufgwacht!
Will mir mittlerwile scho idä Halbziit ahcho sind, hämer üs en Moment gnoh, zum uf die vergangene Etappene zrugg z luege. Defür hät üs d Bernerin Susanne dur e spirituelli Animation gfüehrt. Nachdem mir es cools Trikot verziert händ, hämmer no es Erinnerigsstuck all zäme bastled: Es Bandana mitem JTB Logo, wo all üsi VelofahrerInne händ chöne mitere eigene Batikfarb färbe!
Nacher sind scho üsi Bsuechendi cho und mir händ all zämme es feins Zmittag chöne gnüsse ide Hauptstadt vode Schwiiz zum üs wieder z stärche für d Wiiterfahrt vodä Tour de Suisse. Nachem Zmittag aber isch üs üsi ufglösti Bundesraatssekretärin entgäge choo. Sie gfindet leider d JTBewilligung zur Witerfahrt nümm! Darum händ üs üsi Bsuechende ghulfe im ganze Bundeshuus nach dä Bewilligung z sueche.
Nachdem sie gfunde worde isch und mir händ chöne witerfahre, häts zum Dank no en Dessert geh. Usserdem händ die Bärner Tour de Suisse Verantwortliche alli zumene coole Spieliabig ihglade. Am Abig händ sich denn d Meitli und d Buebe bi diverse Bärner Spieli duelliert! Nachemne glungene Tag simmer all müed is bett gheit und freued üs uf die zweit gross Etappe.
Will mir mittlerwile scho idä Halbziit ahcho sind, hämer üs en Moment gnoh, zum uf die vergangene Etappene zrugg z luege. Defür hät üs d Bernerin Susanne dur e spirituelli Animation gfüehrt. Nachdem mir es cools Trikot verziert händ, hämmer no es Erinnerigsstuck all zäme bastled: Es Bandana mitem JTB Logo, wo all üsi VelofahrerInne händ chöne mitere eigene Batikfarb färbe!
Nacher sind scho üsi Bsuechendi cho und mir händ all zämme es feins Zmittag chöne gnüsse ide Hauptstadt vode Schwiiz zum üs wieder z stärche für d Wiiterfahrt vodä Tour de Suisse. Nachem Zmittag aber isch üs üsi ufglösti Bundesraatssekretärin entgäge choo. Sie gfindet leider d JTBewilligung zur Witerfahrt nümm! Darum händ üs üsi Bsuechende ghulfe im ganze Bundeshuus nach dä Bewilligung z sueche.
Nachdem sie gfunde worde isch und mir händ chöne witerfahre, häts zum Dank no en Dessert geh. Usserdem händ die Bärner Tour de Suisse Verantwortliche alli zumene coole Spieliabig ihglade. Am Abig händ sich denn d Meitli und d Buebe bi diverse Bärner Spieli duelliert! Nachemne glungene Tag simmer all müed is bett gheit und freued üs uf die zweit gross Etappe.
