Ich bin am Dunstigmorge am halbi sechsi vom Joel und vom Marc gweckt worde. Den bini mit de ganze Schar 2.5 Kilometer go jogge bevors den en sportlermorgä mit haferflockä gäh hät.
Churz nachem z morgä han ich meh über die gsund sowie au die sportlichi ernährig dörfe erfahre. Ich kenn etz es paar vor und nachteil über die sportlich ernährig und weiss wie ich chan usgwoge esse. Ich han sogar dörfe verschiedeni Protein-Rigel und Getränk probiere.
Am 10ni isch den s Highlight vom tag cho. Er isch sportcoach und schafft für de ochsner sport. Er hät mir mega viel über d faszie und faszierolle verzellt. De urs gerig isch verbi cho. Er isch en absolute profi in Sache Sport, vorallem im Bereich Blackroll. Ich ha de ganzi körper, agfange bim fuess bis und mit schultere komplett mit ihm zäme dure grollt. Zerst het irgendwie alles weh tue, nachher het sich aber alles uh guet aagfühlt. Ich wird mim mami und papi dihei sicher sege dass sie mir au so e blackroll söllet chaufe.
Nachem Zmittag hani mi denn mit minere Klass und Leiter troffe. Es isch nämli Ziit gsi für e Sport-Gruppestund.
Nach de Gruppi hets denn wieder neui Gruppe geh und ich han mit dere Gruppe aafange bastle. Ich han denn schnell gmerkt dass am Abig de Gala-Abig wird si, will det muss mer immer speziell verkleidet gah. Nachem Bastle isches denn au würkli sowiit gsi. Ich bin mit minere Gruppe als Kunstturner gange und han sogar gwunne! Mir hend i füüf verschiedene Diszpiline, wo über de Abig verteilt gsi sind, am meiste Pünkt gholt.
Zwüschet all dene Spiili hani, wie scho de ganz Tag und s ganze Lager, sehr fein gesse. Hüt hets es Vier-Gang-Menu geh. Nach em letschte Spiili und em Dessert isches denn auscho Ziit gsi fürs Bett. Ich bin nach dem lange Tag müed gsi, aber langwiilig isch mer hüt nie worde.