Im «Träumli» brichtet z JTB halbjährlich über de neusti Klatsch und Tratsch im Verein, zum Biispil was für Events mir veraastaltet händ, weli Leiter neu dezue cho sind, oder au eifach es paar Lustigi Rätsel. Das ganze machet mir au scho länger, als sich einigi dänket.

Die ersti Ziitschrift, wo z JTB (bzw. damals no d Jungwacht Bängge) jeh usebracht hät, isch bereits meh als 60 Jahr alt! Z «Fähnli», de Vorgänger vom Träumli, isch z erste mal druckt worde im November 1956, und im Jahr 1970 isch denn bereits die 150. Uusgab usecho.

Wänn genau de Name vo «Fähnli» uf «Träumli» gwächslet hät, isch au üüs ned ganz klar. Das es paar Uusgabe weder «Fähnli» no «Träumli», sonder komplett anderscht heisset, machts au ned besser. Die ersti Version vo emene «Träumli» wo mir gfunde händ, isch eini vom Mai/Juni 1973. Aso isch es wohl det ume irgendwo gsi.

Üse Verein gits scho sehr lang und mir zeiget gern, das mir scho dazumal e kreativi und motivierti Schar gsi sind (wie übrigens au hüt no). Damit au du en chliine iiblick i üsi Gschicht chasch becho, händ mir digitalisierti Versione für dich zum läse vorbereitet. Stöbere ächli ume und gfind es paar cooli Sache: