SoLa Gluringen Jugendteam Bänggä

Tagesbericht vom Montag, 24. Juli 2006

Mit Pfannedeckelkläng sind d’Chind hüt Morgä usem Schlaf grissä wordä. Nachdem sich all dä Buch vollgschlagä händ, sind d’Chöpf vode Chind mit Sachä über Mexiko gfüllt worde. D’Themene sind gsi: Wirtschaft, Gschicht, Brüüch, Musig, Mexiko allgemein, Religion und berüähmti mexikanischi Personä. S’Ziel däbi isch gsi, dass sie sich möglichst viel für dä Namitag düänd merkä. Da au s’Zuälosä ä Usäforderig isch, händ sie nach öppe 2 ½ h s’fein Ässä dörfä gnüssä.
Nach dä Siesta händs imne Ziit-OL müese bewiesä, was alles glernt händ. Obwohl dur diä enorm Hitz diä meistä Chind zimlich gschaffä gsi sind, händs im Casino am Abig innerhalb vo churzer Ziit vill Gäld gwunnä, aber au verlorä. Bi Pöste wiä Pokere und Black Jack händs iri strategischä Fähigkeitä, bim Speed iri Schnelligkeit und bim Quiz ihres Allgemeinwüssä unter Bewies chönä stellä. Und dänah häts dänn au scho wieder gheissä; „Ab i’d Heia“.

Anita, Petra, Sandra, Xenia