SoLa Gluringen Jugendteam Bänggä

Tagesbricht vom Sunntig, 23.7.06

Nachere ufregende 1. Nacht i dene fremde Better, sind hüt alli am Morgä am 8ti mit mexikanischä Kläng gweckt wordä. Am halbi 9i hämer dänn üse erschti z’Morge da z Gluringe iignoh. Nachere händ sich all Chind dörfe bimene Poschte iischribe um üses Lagerareal z verschönerä. Pöschte sind z.B. gsi; Indiacafälder, ä Zältstadt, ä riese Hängematte, s Lagertor oder en gaanz grosse Sombrero baschtlä. Am 10ni hämer denn au mit dem agfange und bis es z’Mittag geh hät dra gschaffet. Nachm feine z’Mittag hämer denn bereits dGruppeföteli und dScharföteli gschossä. Grad dänah ischs denn abr witer gangä und all händ ihrne Kunschtwerch no dä letscht Schliff verpasst.
Bis zum z’Nacht isch denn no gnuag Ziit gsi zum alles chli uszprobiere und mit dä Gschpännli zspiele.
Nachm feine Härdöpfelsalat mit heissem Fläischchäs sind dChind wieder gnueg stark gsi zum am viertl ab 9i z’Pfiffelischpiel z’beschtrittä. Bi dem Spiel isch s’Ziel d’Leiter im Wald zgfinde und die gänd abr nur Tön mit Ballön vo sich.
Knuddlfertig sind dänn all Gruppe wieder zrugg ufs Areal cho und sind ganz müed is Bett gfalle.

Sumo.Bärbel, Angi