Tagesbericht vom 26.07.2013 Nachdem all üsi Pirate wach und gstärcht gsi sind, händ sie döfe mit de grosse Schatzsuechi afange. Sie hend gschwitz und kämpf bi dem warme Wätter und dä Schatz schlussendlich au eroberet. Nachere härte Schlacht um dä Schatz isch es au scho wieder retour gange zu eusem Pirateschiff, wo die nögsti stärchig zu sich gno worde isch und zwar ohni Bschteck. Denn isch es am Namitag mit em pützle witer gange, da mir ja leider scho de letschdi Tag da in Cunters verbringet. Alles blitzeblank pützlet, hend sich die chline Pirate au scho wieder öpis für ihres Leitergschänkli überleit. Eusärä letschti und super feini Znacht hemmer natürlich nomal in vollä Züg gnosse bevors den am Abig witer gange isch mit de Gschänkli Präsentation für d Leiter. Alli Chindä und Leiter hend sich mega über die coolä Darbütige gfreut. Zwüschet inä hät die super Chuchicrew eus sogar no en Dessert serviert. S Highlight vu dem Abig isch am Jürg sin Film gsi wo nomal s ganze Lager mit emä tolle Rückblick in Erinnrige loht. Doch leider mümer jedes Jahr wieder miteme tränende und emä lachende Aug eus vu Leiter go verabschiede. Mir hend wieder neui motivierti Leiter dezue gwunne und freued eus jetzt scho ufs nögste JTB-Lager. Bevors alli chlinä Pirate zrug i ihri Zimmer hend müsse, häts nu s traditionelle Tschüüküüü geh. Trotzdem freuemer eus alli wieder ufs Heichoo. TV`s: Fiona Steim, Corina Föhn