Tagesbricht vom Erschtä Auguscht
Dä Tag hämmer agfange mitme Morgeturne am
halbi Zäni. E schtund schpöter ischs witergange
mitme usgibigä Erscht Auguscht-Brunch. Leider
hät üs s`Wätter en Strich dur d`Rächnig
gmacht, mer hend müese umschtigä ufs Schlächtwetterprogramm.
So ischs witergange nach de Mittagszit. D`chind sind
i Gruppene zämächo zum en Sketch iüebe
für de Abig. Jedi Gruppe hät es Thema zueteilt
übercho. D`Themenä über d`Schwiz gsi,
Landläbe, Tellschpiel, Volkslieder, Volkssportartä,
Volkstanz sind einigi dävo gsi. Nachem Znacht
dänn ischs losgange mit de Vorschtelligä.
Vorher hämmer aber na ganz patriotisch üsi
Nationalhymmne gsunge mit de ganze Schar. Sehr Kreativ
und luschtig sind die Vorschtellige gsi. Nachere churze
Pause simmer dänn ufe Wisä churz näbetem
Areal. Det simmer all guet ighüllt i Deckene
am Bode ghogget und händ s`Füürwärch
aglueget wo 200 Meter witervorne mitenere Spezialbewilligung
abgloh wordä isch. Gern het s`JTB Füürwärch
selber welä abloh oder am Lagerfüür
hoggä. Aber leider herrscht Füürverbot
im villne Teile vode Schwiz, leider au im Wallis.
Mit dene Idrück sind den d`Chind is Bett gschiggt
worde und händ im Bett na dörfe s`Chlöpfe
vom Füürwärch lose:-)
Britt, Dave, Rüdi
|
Samstag, 22.7.06
Sonntag, 23.7.06
Montag, 24.7.06
Dienstag, 25.7.06
Mittwoch, 26.7.06
Donnerstag, 27.7.06
Freitag, 28.7.06
Samstag, 29.7.06
Sonntag, 30.7.06
Montag, 31.7.06
Dienstag, 1.8.06
Mittwoch, 2.8.06
Donnerstag, 3.8.06
Freitag, 4.8.06
Samstag, 5.8.06
Grosse Wanderung
|
|
|