Dunnschtig 31.07.2014 Mir sind am morge am halbi 8i uufgstande, sind mit Pfanne und Stiiil gweckt worde. Am 8i häts den zmorge gäh, frisches Brot vom Bäcker und natürli feini confi und butter mit ovi zum trinke. Nachm zmorge hämmer s Lagerhuus putze in agriff gnah und händ indiacafeld und d Fuessballgool abbroche. Mir händ de Mahr container hüt scho müese Lade will ja morn en Fiiirtig isch. Drum hämmer eus mitm wichtigste uusgrüstet, das isch de Schlaafsack und sust na paar sache. Am mittag hämmer eus den mit Sparerips gstärkt. Am Namittag hämmer en coole Foti-,Stern-, Ziit- und Selfii OL gmacht, mir händ au na s Schloss vo Lenzburg debii betrachtet. Und den isch au scho schnell wiider Aabig gsi und s hät feini Hamburger gäh. Nachm Znacht händ d Chind fürd d Leiter Gschänkli bastlet und zum Teil na Tanzet und spiili gspillt. Den sind die neue Leiter bekannt gäh worde und die alte verabschiidet. Aschlüssend häts es laangs Tschüüküü gäh und gnüsset no de letzti Aabig im Lager. Stüzzy & Nicola