Sommerlager 2022
Ciao Zemmä! Mir sind d’Ä22, eh ca. 20-köpfigi Gruppe vo Jungs und Mädels. Da dezue ghöret d Anja, Chiara, Sofia, Olivia, Nora, Lara, Karin, Julienne, Emilia, de Elias, Chrigi, Gisep, Joel, Santino, Tobi und üses super coole Maskottchen:
Natürlich händ mir au die beste Leiter/inne wo’s je häts gits becho und das wäred d’Chati, Fabi, Blöchi, Sevi und de Anush obe druf. Sie sind sehr fliessig, nämlich sitzet d’Fabi, Chati und de Blöchi immer hinder de Büecher. De Sevi ih dreckige Hose ide Gärte und de Anush gaht jede Tag mit Ahzug und Gravattä zum Huus us. Üsi Leiter sind immer für en Spass z’ha und drum sind sie au üsi Vorbilder.
Mir sind e tolli, ufgstellti Truppe wo gern mal es bizzeli Seich macht, aber eigentlich sind mir ganz netti und bravi.
Ide Gruppi hämmers amigs au cheibe lustig. Egal öb im Wald bim Brötle, im Pfarreiheim bim Ping Pong spiele oder bim Übernachte ide Turnhalle, es isch immer fätzig. Über all die Jahr sind bi üs scho mehreri Underhose grisse und go seckle hämmer au scho öfters müesse, aber das ghört doch dezue. ;)
Mir gnüssed euses letschte Jahr als Chinde und mir hoffet natürlich, dass mir alli no lang dörfet en Teil vo dere coole Schaar sii und as Bänggner Schmugglerspiel werdemer natürlich immer cho.
Mir freuet üs ez scho riesig ufs SoLa 2022 und du so? :)