Sommerlager 2022
Früeh am Morge sind d’Chind mit Wasserpistole geweckt worde und händ so schomal en Vorgschmack uf de ganzi Tag becho. Frisch gstärcht händ sie sich mitem Wilhelm Tell uf di grossi Jagd vorbereitet. Vo Schüsse bis Morse über Zält baue und Charte läse isch alles debii gsi. Churz vorem Zmittag hät sich öpis dramatischs abgspielt: De Wilhelm Tell hät sich nöd vorem Huet vom Gessler verbüügt und isch abgfüehrt worde. Und will sich es Paar Chind au nöd verneigt händ, händ sie ohni Stuehl müese Zmittag ässe. Inzwüsche hät sich de Tell chöne befreie und hät d Chind ufgforderet sich zäme mit ihm am Gessler z’räche. Nach erfolgricher Jagd nachem Gessler und sine Ghilfe, sind sie vom Wilhelm Tell für es grosses Ässe iglade worde. Schick kleidet isch es am Abig wiitergange. D Chinde händ sich bi diverse Spiel chöne bewiise und so möglichst viel Gäld sammle.
