Sommerlager 2022
Am Morge nachem Zmorge so öppe am 10:30 hend sich üsi angehende Detektive de erst Prüefig gstellt. Sie hend müsse 8 verschiedeni Sportpöste absolviere. Nachem zMittag hend denn Detektiveschüeler chli s‘Chöpfli müsse ahstrenge. Bimne gmüetliche OL ufem Areal hend‘s Spannendi sache über Reconvillier, Detektivarbeit etc.. glernt. User dem hets nacher no en Churztest geh wo jede Schüeler het müsse e frag beantworte. Am 20:45 ish denn die gross Abschlussprüefig bevorgstande. Bim Cluedo hends beidi Fähigkeite nomal müsse bewiese, die körperlich- sowie die geistig Fittness. Nacheme strenge Abschlusstag undere bestandene Abschlussprüefig gönd alli Schüeler glücklich und erliechteret go pfuuuse.
