Tag 1

Tagesbild

Am viertel ab nüni sind dChind und dLeiter mit lustige Verchleidig an Bahnhof Benke cho. Zum Abschied hets denn Küssli, Umarmige und paar Tränli geh. Mit Vorfreud ufs Lager simmer in Zug nach Reconvillier ihgstige. In Reconvillier acho, hemmer üs zFuess uf de Weg gmacht zum Lagerhuus. Wommer acho sind hets denn de Zmitag geh. Miteme gstärkte Mage sind dChind schu an erste OL gange. Sie hend verschiedeni Pöste müsse absolviere und de richtige Route folge. Ih dere Ziit hend dLeiter de Container usgrumt. Schu sind die erste Gruppe zrug cho, isches as Zimmer ihrichte gange. Nacheme feine Znacht sind dChind mit ihrne Leiter Klassewiis an EASY-OL. Im ganze Lagerareal verteilt hets Pöste gha mit Spili, Regle und Sittene im JTB Lager. Nachem Tschüüküü, mit grosser Ufregig und freud ufs Lager isch die ersti Nacht schu abroche. Es isch en Super erste Tag gsi, sLagerareal isch mega cool und es freuet sich alli.

<