Sommerlager 2022

Bevors hell worde isch, sind mer früeh am Morge in aller frischi ufgstande. Nach de erste Stärchig vom Tag und em obligatorische icreme, simmer am siebni Richtig Turm Moron abglaufe. Nach drüü Stunde und sechshundert Höhemeter simmer bide Turmruine acho. Nacheme churze Päuseli isches zackig wieder wiiter gange. Churz bevor mer üsi Zmittagspause gmacht hend, hets no en chline Schockmoment gä, wills agfange het tröpfle. Es het echli täscht und donnert aber s`Gwitter isch wiit weg a üs verbii zoge. Nachere churze Siesta und de Rückkehr vu de Sunne hemmer üs denn über s`nächste Dorf über de nächst Hügel begeh. Mit es paar Blatere meh und leere Trinkfläsche simmer den am halbi füfi wieder bim Lagerhuus gsii. S`Gwitter isch denn doch no cho aber denn simmer scho im trochne gsii.