Tag 2

Tagesbild

Am Morge früeh sind mer no vorem Zmorge vom sprechende Huet üsem Hogwarts Huus zueteilt worde. Denn hemmer natürlich no üses Lagerhuus derfe iirichte und dekoriere. Zum Zmittag hetts Curry geh zum üs für s‘magische Spielturnier zstärche. Am Spielturnier händ sich die vier Hüser gegenenand gmesse. D Hufflepuffs händ sich zweimal als s stärkste Team erwiise! Bim Riesetabu am Abig sind Wörter erklärt, pantomimisch dargstellt und zeichnet worde. So hemmer teschtet öb mer au würklich so schlau sind wied Hermine. Zum Abschluss händs in Gruppe mit verschiedene Ischränkige wie Blindheit, zämebundene Händ oder Stummheit en Fruchtsalat zuebereitet. De Fruchtsalat hemmer als Guetnachtmümpfeli gnosse und sind zfriede go pfuse.