Nacherä churzä Nacht simer am halbi 8 mit luutem Gsang usem schlaf grissä wordä. Nachem z' Morgä isches dänn gad losgangä mitem iiihriichtä. Diä Eintä händ ah üsem Gämsi baschtlet, am Fahnä gmalet oder s Lagertor gmacht, Anderi händ d'Indiacafälder ufgstellt oder dä Ässsaal hübsch dekoriert.
Zum z'Mittag häts Fleischvögel und Riis mit Rüebli gäh. Am halbi 3 hämer dänn üses Fotischuuting gha. Das heisst mir händ alli Gruppäföteli und natürli au es Scharföteli gmacht. Ahschlüssend hämer no wiiter iiihgriiichtet und dänn hämer no chli chillhängt J
Nachem mega feinä z'Nacht (Spiessli und Brathärdöpfel) händ mir no en lässigä Ziit-ol gmacht. Wo dänn d Chind total kabutt zrugg ufs Areal cho sind häts no uuufeini Rulladä gäh. Will üsä Chrigi (dä jüngscht Rüdi) hüt Geburtstag gha hät und sis Mami so lieb gxi isch und für üs alli dä fein Dessert i verschidenä Wariazionä bachä hät. Ah derä stell DANGGÄ VILLMAL!!
Nachdem strängä Tag mit en huufä neuiä Ihdrück sind dänn all froh gxi wo am 10ni scho Nachtruäh gxi isch.
Guet Nacht..
D'Ämäl's (Sumo & Babsi)
Samstag, 14.7.07