Sommerlager 2023
Endlich isch es so wiit! Die lang erwarteti Usbildig vo de zuekünftige Superhelde fangt ah. Doch bevor s Camp chann starte müend mir zerst mal ahreise. Und da fangt scho die ersti Prüeffig ah. Geduld und Usduur sind gfragt bi de 6 Stunde lange Fahrt mit Zug und Bus. Es isch schlussendlich e kurvigi Passstrass wo s val d'anniviers ufe füehrt und üse ahgehende Helde no es letschts Mal alles abverlangt. Endlich isch s Camp in Sicht und es git e wohlverdienti Pause. Bitzli usgrueht gilts erst mal s umliggende Terrain uskundschafte. Zinal isch es herzigs und überschaubars Dörfli wo sich perfekt eignet zum im geheime neui Superhelde trainiere. Sobald d Umgebig abgsicheret isch wird s Zimmer bezoge und d Schueligsrüüm vo ine inspiziert. Nachdem üsi Chuchi-Helde sich s erst mal erfolgriich bewise händ und vorläufig händ dörfe bliibe werdet die zuekünftige Weltretter mit de übliche Umgangsforme und Regle vertraut gmacht. Alii Schüeler händ de ersti Tag mit Bravour abgschlosse und sind bereit für die kommendi Usbildigsziit.
