Sommerlager 2023
Hüt isch en ganz bsundirge Tag gsii. De Flügendi Fabio hät Geburtstag gha. Er hät am Abig wölle e grossi Geburtstagsparty mache, doch es isch es Problem uftaucht. Er chan nöd tanze. D Chind hännd dänn gmeinsam mit em Fabio es paar tänz glernt. Eigentlich isch jetzt de Party nüt meh im Weg gstande. Doch dänn hät sich de Fabio bim letschte Tanz verletzt. Nach em Zmittag hännd Chind drum glärnt, was mer i sonere Situation macht und sie hännd dänn au am Fabio chönne hälfe. Zum Dank hät er sie zumne feine Geburtstagsznacht iihglade. Aber au det isch nüt nach Plan gloffe. En Bösewicht hät de Fabio und sini Gschänkli entfüehrt und s ganzi Superhelde-Camp verwüeschtet. D Chind hännd dänn am Abig de andere Superhelde ghulfe s Camp wieder ufzbaue und d Fabio wieder z'gfinde.
