Sommerlager 2023
Hüt hämmer de alljährlich ufstelltag gha. S’areal isch vomene Bösewicht zerstört worde. Nachem z‘morge, hend sich die verschiedene Gruppe ufme Stern-OL chöne bewiise. Sie händ bi jedem Poste Gägeständ becho, zum es chlises Zält ufbaue. Somit hend sie sich bewise. Sie sind bereit, zum s‘Areal ihrichte. Mir händ de Mattruum erstellt, Tür- und Tischschilder kreiert, än Lagerbanner gmacht und no vieli kuhli Sache meh, wie zum Biispiel ä Hängematte. D‘ Superheldä händ sich härzlich bedankt und sie somit zum Superhelde-Tottabig ihglde. Mannä gäge Fraue häts gheisse. Mit viele spannende und abwächsligsriichä Spiili händ mir de Abig usklingä lah. D‘Frauä händ mitme klare Ergebniss de Sieg ghollt. Anschlüssend sind friedlich go Pfuuse.
