Sommerlager 2023
Am hüttige Tag het sich alles ums Gwünne vom berüehmte Academy Award, au Oscar gnennt, dreiht. Üsi Teilnehmende hend sich hüt Morge uf de Wettkampf vorbereitet und sich ih de verschiednste Filmtheme wiiterbildet. Sie hend Filmmusig glernt, welli Schauspieler welli Superhelde spielet und wenn welli Film usecho sind. Am Namitag uf em OL hend sie denn chöne ihres Wüsse under Bewis stelle. S’Ziel isch gsi, en Oscar für ihre Superheld z’gwünne. D‘Gruppe vo de Andreina und em flügende Fabio het chöne dominiere und am Abig ade Aftershow Party de wohlverdienti Oscar entgegeneh. Alli zeme hend id Nacht gfiiret, bevor alli müed vom ahstrengende Tag is Nescht gheit sind.
