Sommerlager 2023
Hüt isch im JTB Lager de Super TV verbi cho, zum es paar folge über d Superhelde im Lager filme. Am Morge hend sie mösse en super 10 kampf uf höchem Niveau absolviere, wo de Moderatore vum Super TV sehr zuegseit het. Sie hend mösse Pöste vu zeichne bis Sockekampf absolviere. Will das de Moderatore so gfalle het, hend TN‘s am Namittag nomal dörfe inre Show mitmache wo als Fortsetzig vum Morge gelte het. Das mal aber ned sportlich sonder inre Wüssensshow über upcycling. Döte hend sie viel chöne lerne und au upcycling selber usprobiere. Am Abig sind sie den belohnt worde indem sie hend dörfe eh show luege. „Superheld ledig sucht „isch s Motto vu de Leitershow gsi. Mit vier teilnehmende päärli und super Moderatore hets bi de TN‘s für e hammer Stimmig gsorgt. I de pause häts Werbevideos geh, wo vo de Leiter sälber gfilmet worde sind. Die chönd au ihr da dihei aaluege. Glücklich aber müäd isches den spöter is Näst gange.
