Sommerlager 2023
Am Morge werdet d Chind usem Schlaf evakuiert will de Staudamm in Zinal broche isch! S Tal mues sofort verloh werde, zum guete Glück hemmer d Teleportania, wo d Chind sofort ufen wiit enfernte Planet Namens Zinars teleportiert. Dur die Teleportation het sich leider z Wetter ufm Zinars drastisch veränderet - zum leide vo allne Beteiligte, doch nichts desto trotz: Döte aacho tröffet d Chind uf d Awohner und lerned d Oberschicht und d Juttesakaner, die bizeli bescheidenere Mitbewohner kenne. Am Morge düend sie sich aklimatisiere und lernet aschlüssend d Fähigkeite und Brüüch vode Juttesackaner kenne. Zum wieder heicho müend d Chinde zerscht de Zinarsische Herrscher ihres Könne zeige und treffet bimne feine Znacht und coole Spieli uf anderi Mitbewohner vom Zinars. Zämä erlebets en spannende Abig und chönd am Schluss vom Lied de Zaubertrank vode Zinarser Herrscher mitheineh. Zum guete Glück ischs Teleportationsverbot vo Zinal ersch abem 10ni am Abig gültig. Somit hend d Chind de Weg hei wieder sicher gfunde und sind aschlüssend todmüed is Bett ghiit.
