Sommerlager 2023
Gstartet hett de Tag mitemne Brunch Defür gits am Mittag kein Lunch Rüehrei, Müesli, Chäs und Brot Vertriibt all Chummer, Sorg und Not I de spirituelle Animation hemmer Gschichtli verzellt Und bim Singe alli Gsichter erhellt Singe tüemmer Lieder wo jede kännt Und verteilt hemmer ganz vill Komplimänt De Fallschirm wo uf und ab flügt Am Nami gahts drum wer besser bschiisst und lüügt Cheatday heisst de ganzi Gspass Bim Wassertransport wird mer sogar nass Jasse und eimal ums Lager Huus renne Mer sött die beschte Bschisstechnike kenne Es gaht drum möglichscht wiit z’werfe Bim sackhüpfe verlüürt mer sini Nerve Bim Zwipf gits Crêpes und Wassermelone Am Schluss bechunnt d Siegergruppe ihri Chrone Zum Znacht hemmer chöne Lasagne chaue Und bim Postelauf am Abig gahts um Vertraue Partneryoga, Blindi Chueh und Briefli schribe Es würded alli gern nochli länger ufbliibe Glernt hemmer vill über Kommunikation und Zemmehalt Drum gömmer zfriede is Bettli bald
