Sommerlager 2023
Am hütige Tag sind di oberste Superhelde nöd ume gsii. Drumm hennd dJubioresuperhelde müese überneh. Us dem Grund hend dJubioresuperhelde "verschlafe" und alles isch durenand gsii. Zum Zmorge heds Nudle mit Tomatesauce geh. Nach ere chliine Pause hemmer denn aagfange d Superheldeschuel wider uufzbaue. Das hemmer gmacht idem mir wegem schlechte Wetter im Huus ine en Postelauf gmacht hend. A jedem Poste hend dChindersuperhelde öppis über ihri Idol glernt. De Postelauf isch abgschlosse worde mit ere chliine Rundi "Wer hed Angst vor em Superschurke?". Nach ere feine Stärchig vo üsene Juniorechöch hemmer no chli üsi Mukkis trainiert damit mir d Schuel au möged uufruume. Dadefür hend mir bim Leiterlispiel üses Wüsse vom Morgä und üsi Ustuur testet. Im Ziel hend dChind e Iiladig übercho, wo druf gschande isch was am Abig passiert. Nache de dritte und letschte Stärchig hemmer im ne Cassino Spende gsammlet, für de letschti Schritt für de Wiederufbau. Mit em gsammlete Geld hend mer denn all mitenand spat i de Nacht chönne alles ufstelle und müed is Bett flüge.
