Sommerlager 2023
Nachere strenge Nacht für de Bünzli Blitz wacht er mit grossem erschrecke ohni sinere Superchraft uf. Zum Glück chönd ihm dTeilnehmer fude chline Wanderig helfe, die Superchraft wieder zrug überzcho. Für das mümmer aber zerscht zude heillige Quelle, de Stausee Lac de Moiry. Mit Blick ufs Matterhorn und anderne wunderschöne See und Berge, chan die Wanderig nur guet werde. Knapp 1000 höhemeter und fast 7 Kilometer Weg, werdet dChräft fu allne Chind abverlangt. Am Stausee acho hemmer de feini zMittag gnosse und durch en Schluck vom Lac de Moiry sin denn au dSuperchräft fum Büntzli Blitz wieder zruggcho. Als Dankeschön für die tolli wanderig hend mir üs am Abig üses eigene Kino gmacht und de Superheldefilm The Incredibles 2 glueget. Fum strenge Tag sind mir alli müed gsi und drum isch dNachtrueh zimli schnell mal gsi…
