Sommerlager 2023
Am morge am viertel vor 6ii hend bi de Veteranhelde bereits d Wecker gschället. Da d Superchräft vude Teleportanja nöd funktioniert hend, hend mir eus halt z Fuess ufde Weg richtig Gipfel gmacht. Wo mir eus am halbi 7bni ufde Weg gmacht hend richtig Bergspitze, hend mir nunig gwüsst das eusi Wanderig dur s Wetter früeh beendet wird. Da es grosses unerwartets Gwitter ufzoge isch, sind mir zwunge gsi i euses Superheldäcamp zrugg z ga. Chli Nass im Camp acho hend mir eus ines neus Abentüür gstürzt. Es Abentür wommer Teamgeist brucht hend zemme mitere Portion Energie. Gstärcht vu de Super-Sandwiches hend sich die angehende Superhelde zemme uf de Minigolf-alag bespasst. Natürlich isches denn am Abig as putze gangä da üses Camp sich nöd vu allei reinigt. Nachm Znacht hemmer gmeinsam es einehalbstündigs Lernvideo gluegt über Superhelde. Aschlüssend simmer uspoweret is Bett gheit und hend vum Gipfel träumt wommer nöd gseh hend.
