Sommerlager 2023
Üsi angehendi Helde händ hüt vu de Superhelde am Morge glernt wie mer sich vum Böse schützt. Sie händ Zelt baue, Knote knüpft, Karte glese, und glernt wie mer es sichers Füür macht und was mer macht bi emene Alarm. Am Namitag händs chöne bewiese öb sie das chönd. Bimene Postelauf wo immer zwei Gruppe gegenenand aträte sind händ sie zeigt wie schnell, stark und flink sie sind. Am Schluss hands no es Gedicht zu ihrem Teamname gmacht wo vorem Znacht vortreit worde isch. Am Abig hät is d'Chuchi Sevs Döner zubereitet und dezue no es Ständli vortreit. Nachem Znacht isch de Füralarm losgange und mir händ üs wie am Morge besproche dusse ufem Parkplatz troffe. Bim durezelle hät de Stroganoff merkt das es Chind fehlt. Es isch vum Bösewicht entfüert worde. D'Chinde händ den am abig möse use finde wer das Chind entfüert hät, D Leiter händ de Chind Frage gstellt, damit si de Tatort und Tatwaffe händ chöne usefinde, Schlussendlich hämmer s entführte Chind gfunde und de Täter gschnappt!
